泡菜飯團～梅子飯團～

天氣開始熱，無乜胃口

熱野又唔想食，凍野又唔食得

怱發奇想整個飯團好唔好呢

又唔使抄到身水身汗，又有米氣

2個飯團份量

材料：

米_1杯

泡菜_100克

煙肉_2片

調味：
黑芝麻_1茶匙
糖_1/2茶匙
鹽＿少許

做法：

1. 飯煮好後下黑芝麻及鹽伴均，灘涼備用
2. 煙肉及泡菜切粗片

3. 中細火下煙肉爆香，加泡菜及糖伴炒

4. 用保鮮墊底，將飯平舖，放入餡料在中間，再舖上飯，捏成三角形 

2個飯團份量

材料：

米_1杯

梅子_2粒

調味：
壽司醋＿2/3 湯匙

做法：

1. 飯煮好，趁熱澆壽司醋拌勻，用扇降温

2. 梅子浸水，去籽後剁碎

3. 用保鮮墊底，將飯平舖，放入餡料在中間，再舖上飯，捏成三角形 

每種梅子鹽度不同，可按個人口味浸水減鹽

最後可包上紫菜

小寶玩得好開心，砌了個笑樣

韓式配菜 － 芝麻菠菜

老公最愛韓式配菜

今日見啲菠菜都幾靚
呢個菜要揀嫩啲既菠菜
煮多一點可放雪櫃
幾時想食就有得食

材料：

菠菜＿1斤
蒜頭＿4瓣
京蔥＿少許 （約食指大少）
白芝麻＿適量

調味：

醬油＿3湯匙
麻油＿1 1/2 茶匙

做法：

1. 菠菜浸洗切去根部，蒜頭切粒，京蔥切絲
2. 菠菜汆水1分鐘，沖水至冷郤，揸乾一點點
3. 預備乾淨大盤，放蒜頭、京蔥、醬油及麻油
4. 下剪或切短了的菠菜伴勻，最後撒白芝麻

隨意炒粒粒 馬碲臘腸免治豬肉

突然間好想食馬碲

煲竹蔗水又好似唔適合這些天氣

黎個炒粒粒好了

材料：

半肥瘦免治豬肉＿300克

臘腸＿半條

蠔油冬菇＿5隻

馬碲＿8-10粒

蔥＿1棵

乾蔥＿2-3顆

蒜頭＿2-3瓣

油＿2茶匙

沒有蠔油炆過的冬菇，用浸泡過的也可

可用蓮藕、菜甫等代替馬碲

醃料：

醬油＿2茶匙

糖＿1茶匙

麻油＿1茶匙

酒＿1茶匙

水＿少許

做法：

1. 用醃料醃免治豬肉15-30分鐘

2. 馬碲汆水瀝乾

3. 臘腸、馬碲、冬菇、蔥、乾蔥、蒜頭切小粒備用

4. 中火下油，落豬肉煎至8成熟，盛起

5. 下臘腸、蒜頭、乾蔥爆一下

6. 放回豬肉伴勻，下馬碲和冬菇炒一會

7. 試一下味，ok就下蔥，伴勻上碟

吉列廣島蠔 (半煎炸版）

有質素的吉列蠔係出面食，非常昂貴

反正屋企有一大包急凍廣島蠔

就試下半煎炸

我覺得都算成功，可以再炸金黃點
下次要記得配椰菜絲 :P

材料：

急凍生蠔＿8隻
麵粉／粟粉＿適量

雞蛋＿1隻
麵包糠＿適量 

做法：

1. 解凍生蠔，瀝乾備用，拌勻雞蛋
2. 生蠔沾上薄薄麵粉，再浸一下蛋液
3. 即放在麵包糠裡滾動一下，輕輕拍下多餘的糠
4. 中大火至油滾轉至中火，可開始半煎炸
5. 每邊炸大約4分鐘，完成後放上架，待會放吸油紙上


我發現一個小撇步，炸完放上架係必要的
因為蠔仔有一定重量，如炸完即放上碟
掂住碟那邊會淋晒唔脆口



我覺得呢隻麵包糠好香口易用
無論用油炸定用焗爐烤都好容做到鬆脆的效果

韓式家庭菜 純子餐廳（灣仔）

復活節瘋狂吃喝，第四站！

純子無論味道定環境都好有家既感覺
舖頭細細，大約可坐8-10枱客人
去過幾回這餐廳
有時都會聽到有啲生客會有微言
話啲姐姐無禮貌唔應人
其實兩位樓面姐姐只係識聽少少中文
你一係就講英文，一係就慢慢講中文加手勢
餐廳坐滿人時枱與枱之間基乎係零距離
出入都要體諒一下可能會有些少碰到
樓面人手唔夠，要俾啲耐性
有時未必即時回應到你落單或其他要求

前菜

前菜款式會不定期更換

食完可以 Refill

有一次食到蓮藕，整得好好味

BBQ 牛肉

我最喜歡的食法

生菜+麵豉+牛肉+蒜頭+青辣椒

會有少少辣，怕辣可不加蒜頭

生菜好新鮮，青辣椒不辣反而有少少甜

不吃牛可以叫BBQ豬肉或雞肉

辣豆腐湯 （跟白飯）

上枱時仲沸滾中，熱辣辣

睇見都想食

裡面有牛肉粒、豆腐、蜆

先撇開表面的辣油，飲一啖湯

辣中帶鮮，真係飲唔停口

舀舊豆腐放在白飯上，再淋啲湯伴勻

太好味了

原條魚 魚米 （荃灣）

復活節瘋狂吃喝，第三站！

自從轉左工，已好少機會行荃灣葵芳區

由荃豐中心開始

先去伯伯的蘆薈鮮榨果汁檔

青蘋果蘆薈、雪梨蘆薈，都要了

天氣有點熱，不能Share唔夠喉

今天人不多，可以慢慢逛

一路行去荃灣廣場

食隻日之出雞翼，噢...無以前甘好食

沿路行去荃新天地

發現左一個好特別既餐牌

原條魚米線？？？新奇（恕我無知）

皆因各分店都開在我不常活動的區份

魚痴老公當然躍躍欲試

這間應該剛開了不久

裝修枱櫈都新簇簇的

下午茶時段都有不少人

五十幾蚊會有什麼貨式？

原條黃腳臘米線

真係原條魚喎，大過手掌

魚湯加米線

條魚煎左再放上去

味道唔差，魚肉質地不錯

食完不會口渴

以後食米線又多個健康選擇

我愛台菜 鼎泰豐 （尖沙咀）

復活節瘋狂吃喝第二站！

鼎泰豐已經有好多分店了

怡和試過沙田試過

但始終都係尖沙咀呢間最保持到水準

每當想食小籠包，老公第一選必定係佢

豆干絲

銀芽、豆干、昆布、粉絲、紅椒

醬油加醋份量拿捏得準確

好醒胃

小籠包及清抄菠菜

小籠包永無失手

清抄菠菜俾人一種乾淨利落既感覺

我要多多練習這個

蔥花蛋炒飯

炒飯都用珍珠米，正！

粒粒飽滿有彈性

鮮肉包

係我每次必點，不好肉的我

喜歡它單純唔花巧夠紮實

有兒時媽咪係街市那些中式茶檔買的那種感覺

車車意大利粉 Fiat （尖沙咀）

復活節瘋狂吃喝
開始！！！

第一站是Fiat Caffe
由銅鑼灣搬了去尖沙咀，地方大了
枱與枱之間有一定的距離

感覺舒適私隱度高

當然仍以車仔為主題

裝修及擺設都一絲不苟

調味料都係意大利

連Baby sit都型到甘

炸薯條

普普通通無乜特別，但有個好可愛既炸籃

意大利蘑菇芝士雲吞

可以配 Cream or Tomato 汁

雲吞皮好簿，我想餡料應該係蘑菇芝士

淋上蘑菇蕃茄汁，潵上香草，刨些parmesan chesses

非常賞心悅目的賣相

個醬煮得甜酸洽到

不要少看這一碟只有5隻不夠食

每隻都有半隻手掌那麼大

黑松露野菌手搓粉

我本身很怕食白汁

但見到餐牌寫這個是推介，一試無妨

呢個意粉形態好似鵝腸甘幼幼卷起來

食落好像通心粉但無那樣爽口

每一條意粉都充滿白汁

除了松露，還有牛肝菌、蘑菇、乾菇

又好像好素，吃得飽嗎？

絕對飽有突！

Black coffee

食完當然要叫杯啡

illy coffee 絕對有質素保証

色澤香味不錯

外賣法式風情回家 La Rotisserie (灣仔）

話說老公有位法藉同事
有日趕不及煮晚餐

於是佢就係呢度買左隻燒雞頂檔 

第2日佢好興奮甘講

香港有間燒雞好似我地法國既燒雞

舖頭細細，有個大大的烤雞箱
呢間舖頭標明：

雞是法國的

煲是法國的

有夠可愛～

今晚只係想食少少野

就叫1/2隻雞加2份配菜

選了烤香草薯仔和普羅旺斯雜燴

係呀，咪就係五星級大鼠裡面那個ratatouille

不過蔬菜們没有整齊地排列

一打開鍚紙

燒雞的香氣四溢

雖然基乎沒有肥肥

但肉質絕不柴皮，醃得入味

烤薯仔調味剛好，一食就停唔到口

普羅旺斯雜燴，法國住家菜

有番茄、茄子、翠肉瓜、洋蔥等

酸酸甜甜非常開胃

$140 呢餐其實都唔算貴

係city super 買隻法國A級走地雞都要一百以上

依家煮好仲有配菜添

住得遠或不是即食，凍左咪唔好食?

不怕，餐單上有教你點樣翻熱燒雞

非常細心！

The Coffee Academics （灣仔）

等老公放工，去嘆咖啡

本來諗試間未去過既小店

可惜佢7點已打洋了

去了附近的 The Coffee Academics

每次都是匆匆經過

但它的工業風裝潢非常吸睛

地方好寬敞，呢個鐘數沒太多人客

㨂左面對外街的吧枱坐

放工時間街上人來人住

與cafe裡的氣氛折然不同

Expresso

光聞香味就已經有點失望

没有那種濃郁令大腦精神一下的快感

油脂那顏色深了一點

飲落好似豆被炒燶了

Cafe Latte

花拉得很美，泡打得不錯

但飲落奶泡不似想像中幼細

個人覺得奶味再濃一點就好

Apple Studel

之前想食，想到自己焗，可惜⋯⋯

忍不住要叫個黎試下

賣相非常精緻

伴一杯小雪糕，美式了些

我就知道它不是我想要的Apple Studel

但味道是不錯的

外層非酥脆

糖漿煮蘋果的甜度洽好

臨走時見到一對父子叫了curly fries

吃得津津有味

可能會為這個再來

背後那點心意

他買了一隻爛香蕉回來
第一眼見到我就不高興
不問原由就說 

"為什麼交帶你的東西總是做不好"

他立即黑臉 "以為你要立即吃，其他都是青青綠綠的，唯有買這個熟一點！"

我心諗 "那也都不應該買壞的"

冷戰了

想深一層

其實另一半每每為了另一半思前想後

只是想把最好的給對方
有時真的忽略了背後那點心意

我為我的衝口而出後悔了